نوچە-ئاژانسەکان
چەند رۆژ دوای ئەوەی، کە پوختەی راپۆرتی ساڵانەی ئەمریکا لە بارەی رادەی پابەندبوونی وڵاتان بە رێککەوتن و بەڵێنە ئەتۆمییەکان بڵاو بووەوە، ژمارەیەک لە ئاژانسەکانی هەواڵ تاوتوێی ئەم راپۆرتەی وەزارەتی دەرەوەی ئەمریکا و بەرنامەی ئەتۆمی ئێرانیان کردووە.
پێگەی المانیتور ڕایگەیاندووە، ڕاپۆرتەکەی وەزارەتی دەرەوەی ئەمریکا دەستی ئەم وڵاتە کراوەتر دەکات تاکو لە پەیوەندی پابەند نەبوونی ئێران بە بەڵێنییە ئەتۆمییەکانی، گوشاری زیاتر بخاتە سەر تاران و بیهەوێ لە ڕابردوو زیاتر سزای ئێران بدات.
لە بەشێک لە راپۆرتی پەیوەست بە ئێران، وەزارەتی دەرەوەی ئەمریکا ڕایگەیاندووە، تاران بە نهێنێ پەرەی بە بەرنامە ئەتۆمییەکانی داوە و ئەمەشی بە هەوڵی نوێی رژێمی ئێران بۆ پێشێلکردنی بەڵێنە کانی.
گوتەبێژی وەزارەتی دەرەوەی ئەمریکا رایگەیاندووە، ئەم راپۆرتە دوای هەڵسەنگاندنێکی تەواوی زانیارییەکان بڵاو بۆتەوە.
