نوچە-ئاژانسەکان
سەرۆکی ڕەوتی سەدر، لەبارەی یارمەتییەکانی حەشدی شەعبی بە ئێران و جێگیربوونیان لەم وڵاتە هەڵوێستی وەرگرت.
موقتەدا سەدر، سەرۆکی رەوتی سەدر و کەسایەتی ئایینی عێراقی، لە تویتێکدا وێڕای بەرزنرخاندنی یارمەتی و هاوکاریەکانی هێزەکانی حەشدی شەعبی بە لێقەوماوانی لافاو لە ئێران، ڕایگەیاندووە کە ئەولەوییەتی یەکەم بە خەڵکی ناوخۆی عێراقە نەک وڵاتانی دەوروبەر.
موقتەدا سەدردەڵێت”بۆ پاراستنی یەکڕیزی عێراقییەکان، گەیاندنی هاوکاری و یارمەتی بە خەڵکی لێقەوماوی عێراق دەبێ ئەولەوییەتی یەکەمی ئەم هێزە بێت”.
سەرۆکی ڕەوتی سەدر هەروەها گوتویەتی، ئەگەر کێشە و گرفتەکانی زیانبەرکەوتوانی لافاو لە عێراق چارسەر بێت، ئەوە ئامادەین کە هاوکاری وڵاتانی دەوروبەر بکەین.
لە ماوەی ڕۆژانی ڕابردوودا هێزەکانی حەشدی شەعبی، لە ژێر پشتیوانی سوپای پاسداران و بە پاساوی یارمەتیکردنی لێقەوماوانی لافاو لە ئێران ڕەوانەی چەند شاڕێکی ئەم وڵاتە کراون.
