نوچە-ئیرنا
ئەندامی کۆمیسیۆنی کاروباری نێودەوڵەتی دومای ڕوسیا دەڵێت، بڕیاری سەرۆکی ئەمریکا بۆ ناساندنی سوپای پاسداران وەک رێکخراوێکی تیرۆریستی،ئ ەمن و ئاسایشی ڕۆژهەڵاتی ناوەڕاستی خستە مەترسییەوە.
ئەنتۆن مارۆزۆف، ئەندامی کۆمیسیۆنی کاروباری نێودەوڵەتی دومای ڕوسیا رایگەیاند، بڕیارەکەی سەرۆکی ئەمریکا دژی یاسا و رێوشوێنە نێودەوڵەتییەکانە و، ئەم بڕیارەی ئەمریکا دەستوەردانە کاروباری وڵاتانەو ئاسایشی وڵاتان دەخاتە ژێر پرسیارەوە.
ئەم بەپرسەی روسیا، هەروەها ئاماژەی بە سزاکانی ئەمریکا بۆ سەر وڵاتانی جیهان کردو و گوتی، ئەمریکیەکان بەردەوام سزای تاران و مۆسکۆیان داوە، ئەمەش بڕیارێکی نابەجێیە و هیچ کات ئەنجامی نابێت.
