نوچە-روسیاالیوم
ئەمینداری گشتیی کۆمکاری عەرەبی دەڵێت، سیاسەتی دەستوەردانی ئێران و تورکیا لە کاروباری ناوخۆیی وڵاتان، دۆخی ناوچەکەی ئاڵۆز کردووە.
ئەحمەد ئەبوغەیز، ئەمینداری گشتیی کۆمکاری عەرەبی رایگەیاند، قابلی قبووڵ نییە کە وڵاتانی ناوچە لە رێگەی پشتیوانی لە گروپە دژبەرەکان و بە ئامانجی هەڵگیرسانی شەڕی تایفی، دەستوەردان لە کاروباری وڵاتانی عەرەبی بکەن.
بە گوتەی ئەمینداری کۆمکاری عەرەبی، ئاسایشی نیشتمانی وڵاتانی عەرەبی لە گەڵ کۆمەڵێک کێشە و گرفتی جددی روو بەروویە و تیرۆریزم و گروپە میلیشیایەکان بوونەتە هەڕەشە بۆ سەر ئاسایشی وڵاتانی عەرەبی.
ئەبو غەیز بە دیاریکراوی ئاماژەی بە تورکیا و ئێران دەکات و دەڵێت، دەستوەردانەکانی ئەم دوو وڵاتە لە کاروباری ناوخۆی جیهانی عەرەبی، دۆخەکەی ئاڵۆزتر کردووە.
