نوچەنێت-المدی
رۆژنامەی المدی، لە نوێترین ژمارەی خۆیدا ڕاپۆرتێکی سەبارەت بە ئامادەباشی سوپای عێراق لە سنوورەکانی ئەم وڵاتە لە گەڵ سوریا، بڵاو کردۆتەوە.
سەرباری کۆتایی خەلافەتی داعش لە سوریا و تێکشکانی سەربازی ئەم رێکخراوە لە سوریا و عێراق، دۆخی نائاسایی لەم وڵاتە کۆتایی نەهاتووە و بە گوێڕەی زانیاریەکانی ئەم رۆژنامەیە، بەشێک لە چەکدارانی داعش لە نزیک سنوورەکانی سوریا و لە باکوری پارێزگای ئەنبار جێگیر بوونە.
سەرچاوەیەکی ئەمنی نزیک لە سنوری سوریا، بە رۆژنامەی المدی گوتووە، کە دۆخی نائاسایی و حاڵەتی ئامادەباشی هێزەکانی سەر بە سوپای عێراق لەم شوێنانە بەردەوامە، بە جۆرێک، کە پێشبینی دەکرێ ئەم هێزانە ئاودیوی سوریا بن.
