نوچە-بی بی سی
بەرپرسانی خۆجێیی ویلایەتی کنێری ئەفغانستان دەڵێن، بە هۆی شەڕ و بەریەککەوتنی سەخت لە نێوان چەکدارانی داعش و رێکخراوی تاڵیبان لەم وڵاتە، نزیکەی دوو هەزار خێزان ئاوارە بوونە.
بە گوتەی سەرچاوەکان ،شەڕ لە نێوان داعش و تاڵیبان لە هەفتەی ڕابردووەوە دەستی پێکردووە و هێزەکانی داعش لەم شەڕە باڵادەست و لە پێشڕەویدان.
ئاوارەکانی ئەم شەڕە بە کەناڵی بی بی سی یان گوتووە، لە ڕووی ناچارییەوە ژیان و ماڵی خۆیان جێهیشتووە و بە هۆی ترس لە داعش، لە ناوچەکە هەڵاتوون.
بە گوێرەی لێدوانی بەرپرسانی خۆجێیی ئەفغانستان، بە دەیان چەکدار لە هەر دوو لا کوژراون.
ئاوارەکانی ئەم شەڕە، لە دۆخێکی خراپدان و پێویستیان بە یارمەتی بەپەلە هەیە.
