نوچەنێت-ئاوا
وەزارەتی بەرگری ئەفغانستان، باس لە تێکشكان و کوژرانی هێزێکی تاڵیبان دەکات.
وەزارەتی بەرگری ئەفغانستان، لە دووتوێێ ڕاگەیێندراوێکدا ڕایگەیاند: لە میانی ئۆپەراسیۆنێکی سەربازی بۆ سەر هێزەکانی تاڵیبان، کە لە چەند قۆڵەوە بەڕێوەچووە، ٥٦ کەس لە چەکدارانی ئەم رێکخراوە کوژراو و بریندار بوونە.
ڕاگەیێندراوەکەی وەزارەتی بەرگری ئەفغانستان دەشڵێت “سەرکردەیەکی سەربازی ئەم رێکخراوەش بە ناوی مەنسور قاری، کراوەتە ئامانج و گیانی لە دەستداوە”.
راگەیێندراوەکە ئەوەش دەخاتەڕوو، کە ئەم ئۆپەراسیۆنە، هاوکات لە ناوچەکانی قەندوز، غەزنی، نەنگرهار، هەرات، لوگەر، بەلخ، فاریاب، هێلمەند و بەغلان، ئەنجام دراوە و چەک و تەقەمەنییەکی زۆریش زەوت کراوە.
ئەم ئۆپەراسیۆنە بەربڵاوە، بە پشتیوانی هێزی ئاسمانی ئەفغانستان ئەنجام دراوە.
