نوچەنێت-یۆرۆ نیوز
ئەنجومەنی خۆبەڕێوەبەری رۆژئاوای کوردستان، ئەمڕۆ سێشەممە ١٩ی مارس، لە بەیانێکدا ڕایگەیاند، کە بەشار ئەسەد، سەرۆکی رژێمی سوریا، سیاسەتی هەڕەشە و سەرکوتی بەرانبەر بەوان گرتۆتە بەر.
ئەنجومەنی خۆبەڕێوەبەری رۆژئاوای کوردستا ن راشیگەیاندووە، کە دیمەشق پلانی جیدی بۆ سەرکوت و توندوتیژی دژ بەوان هەیە.
هەڕەشە بۆ سەر ناوچەکانی ژێر دەسەڵاتی هێزە کوردیەکانی سوریا، رۆژی ڕابردوو لە میانی کۆنفرانسێکی رۆژنامەوانی و بە لێدوانێکی وەزیری بەرگری سوریا، کەوتۆتە قۆناغێکی نوێوە.
رۆژی ڕابردوو، وەزیری بەرگری سوریا، دوای کۆبوونەوە لە گەڵ هاوتا ئێرانی و عێراقەکەی خۆی، بە فەرمی هەڕەشەی بە کارهێنانی هێزی سەربازی بۆ کۆنترۆڵکردنەوەی ناوچەکانی ژێر دەسەڵاتی هێزە کوردیەکانی رۆژئاوا کرد.
