نوچەنێت
جێگری سەرۆكی ئەمەریكا و سەرۆكوەزیرانی عێراق لە پەیوەندییەکی تەلەفۆنیدا باسیان لە شەڕی تیرۆر و هاوکاری واشنتۆن بۆ عێراق کردووە.
مایك پێنس، جێگری سەرۆكی ئەمەریكا، لە ھەژماری تایبەتی خۆی لە تۆڕی کۆمەڵایەتی تویتەر نوسیوویەتی، لەگەڵ عادل عەبدولمەھدی سەرۆكوەزیرانی عێراق، بە تەلەفۆن قسەی كردووە و باسیان لە شەڕی تیرۆر كردووە و جەختیشی لەسەر بەردەوامی واشنتن بۆ ھاوكاریكردنی سەربازیی عێراق كردەوە.
ھەروەھا پێنس ئاماژەی بۆ ئەوەشكردووە، ئەمەریكا لەسەر یارمەتیدانی پێكھاتەكانی كریستیان و ئێزیدی عێراق بەردەوام دەبێت، كە زۆریان بەدەست رێكخراوی داعشەوە چەشتووە.
عێراق بووەتە چەقی ململانێی ئەمەریکا و ئێران، بەجۆرێک، باڵادەستبوون لە عێراق، بە سەرکەوتن و دەستکەوت لە لایەن هەر لایەکییان تەماشا دەکرێت.
