نوچەنێت-المعلومە
هاوپەیمانی بەنا، جەخت لەسەر بەڕێوەچوونی مانۆری سەربازی هاوبەش لە نێوان تاران و دیمەشق و بەغدا دەکاتەوە.
حنین قدو، نوێنەری هاوپەیمانی بەنا لە پەرلمانی عێراق دەڵێت، بەڕێوەچوونی مانۆڕی سەربازی هاوبەش لە نێوان سێ وڵات لە ناوچە سنووریەکان پێویستە و هاوکات جەخت لەسەر بەرەنگاربوونەوەی گروپە تیرۆریستیەکان دەکاتەوە.
قدو بە پێگەی “المعلومە”ی گوتووە، بەم شێوە دەتوانن رێگە لە کاریگەری و نفوزی واشنتۆن بگرن.
نوێنەری هاوپەیمانی بەنا دەشڵێت “ئاسایشی عێراق پەیوەندی راستەوخۆی بە ئاسایشی ئێران و سوریاوە هەیە”.
بە گوتەی حنین قدو، بەغدا پێداگری لە سەر ئەنجامدانی مانۆڕێکی سەربازی هاوبەش دەکات، تاکوو ئاستی توانای سەربازی و ئامادەیی خۆی بەرز بکاتەوە.
ئەم ئەندام پەرلەمانەی عێراق دەشڵێت، لە ناوچە سنووریەکان، هەست بە بۆشایی ئەمنی و سەربازی دەکرێ، هەر بۆیە ئەنجامدانی ئەم مانۆڕە پێویستە.
رۆژی رابردووش، دیمەشق میوانداری کۆبوونەوەیەکی ئەمنی بوو، کە تیایدا نوێنەرانی ئێران و عێراق بەشدار بوون. تەوەری سەرەکی ئەم کۆبوونەوەیە، بابەتی بەرەنگاربوونەوەی تیرۆریزم بوو.
