نوچەنێت-روسیا الیوم
وەزارەتی دەرەوەی روسیا ڕایگەیاند، وەزیری دەرەوەی ئەم وڵاتە، بەم زووانە سەردانی وڵاتانی عەرەبی کەنداو دەکات.
وەزارەتی دەرەوەی ڕوسیا لە بەیانێکدا دەڵێت: سێرگی لاڤرۆڤ، وەزیری دەرەوەی روسیا، رۆژی ٣ی مارس گەشتی سەردانەکانی بۆ وڵاتانی عەرەبی کەنداو دەستپێدەکات.
بە گوێرەی بەیانی وەزارەتی دەرەوەی روسیا، لاڤرۆڤ بڕیارە سەردانی هەر یەک لە وڵاتانی سعودیە، قەتەر، ئیمارات و کوێت بکات.
پەیوەندیەکانی دوو لایەنە و هەروەها دوایین گۆڕانکاریەکانی ناوچە، لە ئەجێندای سەردانەکەی لاڤرۆڤدایە.
