نوچەنێت-رۆیتەرز
وەزیری دەرەوەی تورکیا ئاشکرای کرد، کە ئەنقەرە کڕینی سیستەمی دژەموشەکی ئێس-٤٠٠ی روسی یەکلا کردۆتەوە.
مەولود چاوش ئۆغڵو، وەزیری دەرەوەی تورکیا، دەڵێت: تورکیا رێککەوتنی کڕینی سیستەمی بەرگری موشەکی ڕوسیای گەیاندۆتە قۆناغی کۆتایی و بەم زووانە ئەم سیستەمە بەکار دەهێنێ.
واشنتۆن دژ بە کڕینی سیستەمی بەرگری موشەکی ئێس-٤٠٠ لە لایەن ئەنقەرە وەستابووەوە و بڕیارە سیستەمی پاتریۆت بەم ووڵاتە بفرۆشێت.
تەنانەت وەک هۆشداریدان بە ئەنقەرە، رادەستکردنی فڕۆکە شەرکەرەکانی جۆری ئێف ٣٥ی بە ئەنقەرە هەڵپەساردووە.
واشنتۆن هەروەها ڕایگەیاندووە، کڕینی سیستەمی دژەموشەکی ئێس-٤٠٠ لە دەرەوەی یاساکانی رێکخراوی ناتۆیە، کە تورکیا تیایدا ئەندامە.
