نوچەنێت-رادیۆ ئەڵمانیا
سەرۆکوەزیرانی بەریتانیا، ئەمڕۆ سێشەممە ٢٦ی فێبریوەری، سەبارەت بە پرسی برێکزیت و پرۆسەی دەرچوونی وڵاتەکەی لە ئەندامەتی یەکێتی ئەوروپا دەچێت پەرلەمان و گوتارێک پێشکەش دەکات.
تێرێزا مەی، سەرۆکوەزیرانی بەریتانیا، دوای باس و راوێژ لە گەڵ سەرانی وڵاتانی ئەوروپی لە کۆبوونەوەی شەرموشێخ، ئەمڕۆ دەچێتە پەرلەمان.
بە گوێرەی ڕاگەیێندراوی نووسینگەی سەرۆکوەزیرانی بەریتانیا، مەی لە سەردانەکەی بۆ پەرلەمان ڕوونکردنەوە لەبارەی دۆخی برێکزیت دەدات.
ئەم لە کاتێکدایە، پارتی کاری بەریتانیا، شەوی ڕابردوو جەختی لە سەر بەڕێوەچوونی گشتپرسییەکی نوێ بۆ دەرچوونی ئەم وڵاتە لە یەکێتی ئەوروپا کردەوە.
