نوچەنێت
بەگوێرەی رێککەوتن، هێزەکانی سوریای دیموکرات (هەسەدە) ٢٨٠ چەکداری داعشی عێراقی و بیانی رادەستی حکومەتی عێراق کردەوە.
ئاژانسی هەواڵی رۆیتەرز، لە زاری فەرماندەیەکی سەربازیی عێراقی ئاشکرایکردووە، رۆژ پێنج شەممەی رابردوو، ١٥٠ چەکدار و رۆژی یەک شەممە ١٣٠ چەکداری داعش رادەستی هێزە عراقییەکان کراون.
ئەو سەرچاوە سەربازییە ئاشکرایکردووە، عێراق و هەسەدە رێککەوتنیان کردووە، ٥٠٠ چەکداری داعش، کە ئێستا لای هەسەدە زیندانین، رادەستی عێراق بکرێنەوە.
هەروەها لەو ژمارەیە، ١٤ کەسیان فەرەنسین و شەشی دیکەشیان عەرەبی چەند وڵاتێکی نادیارن.
هاوکاتیش هەسەدە داوای لە وڵاتانی جیهان کردووە، تاوەکو رەزامەند بن بە وەرگرتنەوەی هاوڵاتیانیان، کە بۆ پەیوەندیکردن بە داعشەوە هاتوونەتە سوریا و ئێستا دەستگیر کراون، بەڵام تاوەکو ئێستا، ئەمەریکا و ئەوروپا رەتیانکردووەتەوە.
