نوچەنێت-ئانادۆڵ
وەزیری بەرگری تورکیا دەڵێت، دەمانهەوێ ئەمریکا هاوپەیمانی ستراتیژی ئەنقەرە بێت و لە هەموو بوارەکاندا هاوکاری واشنتۆن بین.
خلوسی ئاکار، وەزیری بەرگری تورکیا، دوابەدوای پەیوەندیە تەلەفۆنیەکەی رەجەب تەیب ئەردۆغان و دۆناڵد ترەمپ، سەرۆکانی تورکیا وئەمریکا، سەردانی واشنتۆنی کرد.
ئاکار وێڕای سەرۆک ئەرکانی سوپای تورکیا لە بینای پێنتاگۆن بە فەرمی پێشوازی لێکراو.
لە میانی سەردانەکەی بۆ واشنتۆن و کۆبوونەوەی لە گەڵ بەرپرسانی باڵای وەزارەتی بەرگری ئەمریکا، خلوسی ئاکار، جەختی لە سەر هاوپەیمانی ستراتیژی نێوان ئەنقەرە و واشنتۆن کردەوە.
وەزیری بەرگری تورکیا، لە وەڵامی پرسیارێک لەبارەی کڕینی سیستەمی بەرگری موشەکی ئێس-٤٠٠ی روسی، گوتی: ئەم بابەتە لە گەڵ بەرپرسانی باڵای ئەمریکا تاوتوێ دەکات.
