نوچەنێت-ئاژانسەکان
گوتەبێژی ناوچەیی وەزارەتی دەرەوەی ئەمریکا، بڕیاری وڵاتەکەی بۆ کشانەوەی هێزەکانی لە سوریا، بە گۆڕانێکی تاکتیکی وەسف دەکات و دەشڵێت “ناچێتە خانەی بڕیارێکی ستراتیژییەوە”.
ناتان تێک، گوتەبێژی ناوچەیی وەزارەتی کاروباری دەرەوەی ئەمریکا دەشڵێت، واشنتۆن بە هۆی شەراکەتی هاوپەیمانانی لە رۆژهەڵاتی ناوەڕاست، پێداگرە لە سەر بەرەنگاربوونەوەی کێشە و گرفتەکان.
تێک، سەبارەت بە شەڕی داعش دەڵێت “ئیدارەی دۆناڵد ترەمپ، پابەندی ریشەکێش کردنی ئەم رێکخراوەیە”.
بە گوتەی ئەم بەرپرسەی وەزارەتی دەرەوەی ئەمریکا، واشنتۆن دەیهەوێ دڵنیایی بداتە وڵاتانی ناوچەکە، کە چیدی داعش و رێکخراوە تیرۆرستیەکانی دیکە توانای تەراتێنیان نەبێت.
