نوچەنێت-ئاژانسەکان
وەزیری بەرگری ئەڵمانیا، بەرامبەر بە داواکەی سەرۆکی ئەمریکا، بۆ وەرگرتنی دیلەکانی داعش و دادگاییکردنیان لە لایەن وڵاتانی ئەوروپیەوە هەڵوێستی وەرگرت.
ئۆرسۆلا ڤۆندێرلاین، وەزیری بەرگری ئەڵمانیا، لە لێدوانێکدا داواکەی دۆناڵد ترەمپی بە ناواقعبینانە وەسف کرد و گوتی: داعشیەکان مەترسیدارترین مرۆڤەکانی سەر زەوەین، چۆن دەکرێ ئاسانکاری بۆ وەرگرتنەوەیان بکرێت.
وەزیری بەرگری ئەڵمانیا دەشڵێت “وەرگرتنەوەی دیلەکانی داعش و ئەندامانی ئەم رێکخراوە لە لایەن وڵاتانی ئەوروپی هەڵەیەکی گەورە بووە و پێمان وایە، ئەم داوایەی ترەمپ لە جێی خۆیدا نییە.
ئۆرسۆلا ڤۆندێرلاین، ئەوەشی خستەڕوو، ئەو ئەندامانەی داعش، کە هاتوونەتە ناوخاکی ئەڵمانیا، دادگایی دەکرێن.
