نوچەنێت
سەرۆک بارزانی و باڵیۆزی سریلانکا لە عێراق، پەیوەندییە ئابوورییەکانی هەرێمی کوردستان و سریلانکا تاوتوێ دەکەن.
بەپێی راگەیەندراوێکی بارەگای بارزانی، ئەمڕۆ چوارشەممە ٦-٢-٢٠١٩، لە سەلاحەددین سەرۆك مەسعود بارزانی پێشوازی لە نیرانجان ئاسۆكا ڕاناسینگی باڵیۆزی سریلانكا لە عێراق كردووە.
لە دیدارێكدا، سەرۆک بارزانی و نیرانجان ئاسۆکا راناسینگ تاوتوێی پەیوەندییەكانی نێوان هەرێمی كوردستان و سریلانکایان لە بوارەکانی بازرگانی، ئابووری و گەشتوگوزار کردووە و جەختیان لە گەشەپێدانی پەیوەندییەكان کردووەتەوە.
هەروەک لە راگەیەندراوەکەدا هاتووە، باڵیۆزی سریلانکا لەعێراق كورتەیەكی لە ئەزموون و مێژووی وڵاتەكەی لەبواری چالاكییە ئابوورییەكان و گەشتوگوزار خستووەتەڕوو.
