نوچەنێت: ئاژانسەکان
بە پەسەندکردنی پڕۆژە بڕیارێک، پلانی ترەمپ بۆ دەستبەجێ کشانەوەی هێزەکانی ئەمریکا لە سوریا و ئەفغانستان رەتکرایەوە.
بە گوێرەی پڕۆژە بڕیارێکی ئەنجومەنی پیرانی ئەمەریکا، کە بە ٧٠ دەنگی بەڵێ بەرامبەر بە ٢٦ دەنگی نەخێر پەسەندکرا، تاوەکو ئێستا چەکدارانی داعش لە سوریا و ئەفغانستان هەڕەشەن بۆ سەر ئاسایشی ئەمەریکا.
میچ مکونێل، سەرکردەی پارتی کۆمارییەکان، لە کۆبوونەوەکەی ئەنجوومەنی پیراندا، رایگەیاند “راستە پێشکەوتنی باش لە دژی داعش و قاعیدە لە سووریا و ئەفغانستان بەدەستهاتوون، بەڵام دەستبەجێ کشانەوەی هێزەکانی ئەمەریکا لەو دوو وڵاتە سەقامگیریی ناوچەکە تێکدەدات و دەبێت هۆی دروستبوونی بۆشاییەک کە ئێران و روسیا سوودی لێوەردەگرن”.
بە پەسەندکردنی ئەم پڕۆژ بڕیارە لەلایەن ئەنجومەنی پیرانەوە، کە کۆمارییەکان تێیدا زۆرینەن، پلانی دۆناڵ ترەمپ سەرۆکی ئەمریکا، بۆ کشانەوەی دەستبەجێی هێزەکانی وڵاتەکەی لە سوریا و ئەفغانستان شکستیهێنا.
