نوچەنێت: ئاژانسەکان
وهزارهتی دهرهوهی ئهمهریكا داوا له وڵاتان دهكات، ئهو سهدان چهكدارهی داعش بگهڕێننهوه وڵاتهكانیان و دادگاییان بكهن كه لهلای هێزهكانی سوریای دیموكراتی دهستگیر كراون.
رۆبێرت پالادینۆ، گوتەبێژی وهزارهتی دهرهوهی ئهمهریكا، له بهیاننامهیهكدا رایگهیاندووه “دهركهوتووه هێزهكانی سوریای دیموكراتی “ههسهده” پابهندبوونی تهواویان بهرامبهر ئهو دهستگیركراوانه ههبووه و به ئارامی و مرۆییانه مامهڵهیان لهگهڵ كردون”.
ههروهها گوتوویهتی “ویلایهته یهكگرتووهكانی ئهمهریكا، داوا له وڵاتانی دیكه دهكات، ئهو هاوڵاتییه داعشانهیان، كه لای ههسهده دهستگیركراون ببهنهوه و له وڵاتهكانی خۆیان دادگاییان بكهن”.
بەگویرەی زانیارییەکان، ژمارهی چەکدارانی داعش، لە زیندانەکانی هەسەدە نزیكهی ٨٥٠ كهس دهبێت.
