نوچەنێت-رۆیتەرز
سەرانی ناتۆ و روسیا، رۆژی ٢٥ـی جانیوەری کۆدەبنەوە.
یەکەمین کۆبوونەوەی ناتۆ و روسیا، لە ئاستی باڵیۆز، ٢٥ـی جانیوەری لە برۆکسێل بەڕێوەدەچێت.
لە بەیانی رێکخراوی ناتۆدا هاتووە: دوای باس و راوێژێکی زۆر لە گەڵ بەرپرسانی مۆسکۆ، قەرارمان لە سەر ئەنجامدانی کۆبوونەوەی هاوبەش لە ئاستی باڵیۆزان دا، ئەم کۆبوونەوەیە بە ئاراستەی گوتاری سیاسی ناتۆیە و رێککەوتنی تەواوی لە سەر کراوە.
چاوەڕوان دەکرێ، لایەنەکانی بەشدار لەم کۆبوونەوەیە، سەبارەت بە پرسە ئەمنی و سەربازیەکانی ئەوروپا و هەروەها دۆخی ئەفغانستان گفتوگۆ بکەن.
کێشەی ئۆکرانیا، تەوەرێکی دیکەی دانیشتنەکەی برۆکسێل دەبێت.
