نوچەنێت
سوپای ئیسرائیل پێگەیەكی سوپای پاسدارانی ئێرانی لە سوریا بۆردومان كرد.
سوپای ئیسرائیل بڵاویکردەوە، هێرشیان کردووەتە سەر بنکەیەکی سەربازیی ئێران لە سوریا و هۆشداریشی دایە سوریا بیر لە هێرشکردنە سەر خاک و سوپای ئیسرائیل نەکاتەوە.
لەبارەی هێرشەکان، میدیاکانی سەر بە حکومەتی سوریا دەڵێن: “ئیسرائیل بە موشەکی زیرەک هێرشێکی چڕی کردووە، بەڵام زۆربەی ئەو موشەکانە نەگەیشتوونە ئامانج و پووچەڵکراونەتەوە”.
پێشتر ئیسرائیل چەند جارێک هۆشداری داوەتە سوپای ئێران و میلیشیاکانی لە خاکی سوریا بچنەوە دەرەوە، بەڵام کۆماری ئیسلامی ئێران دەڵێت، ئەوان لەسەر داوای حکومەتی سوریا هاتوونەتە ناوچەکە و لەسەر داوای ئەوانیش ناوچەکە جێدەهێڵن.
