نوچەنێت
لە منبج تەقینەوەیەکی بەهێز روویدا و ١٦ کەس کوژراون و سەربازی ئەمریکین.
ئەمڕۆ چوارشەممە ١٦-١-٢٠١٩، لەنێو خواردنگەیەکی منبج تەقینەوەیەکی بەهێز روویدا و ١٦ کەس کوژراون و دوو لە کوژراوەکانیش سەربازی ئەمریکین. هەروەها ١٩ کەسی دیکەش بریندار بوون.
بەگوێرەی زانیارییەکان “دوو سەربازی ئەمریکی لە تەقینەوەکەدا کوژراون”.
داعش لە توویتەر بەرپرسیارێتی تەقینەوەکەی لە ئەستۆگرتووە و رایگەیاندووە “خۆکوژێکیان لەڕێگەی چاکەتێکی بۆمبڕێژکراوەوە خۆی بە دەوریەکی هاوپەیماناندا تەقاندووەتەوە”.
شاری منبج لە باکووری ڕۆژهەڵاتی سووریا و لە ٣٠ کیلۆمەتری ڕۆژئاوای ڕووباری فورات و ٨٠ کیلۆمەتری شاری حەلەب هەڵکەتووە. هەروەها بەپێی دوایین سەرژمێری کە ساڵی ٢٠٠٤ کراوە، ژمارەی دانیشتوانی منبج ١٠٠ هەزار کەسە.
دوای کشانەوەی هێزەکانی سووریای دیموکرات (هەسەدە) لەو شارە، ئێستا لەلایەن هێزی هاوپەیمانان و هێزەکانی سوریاوە بەڕێوە دەچێت.
