نوچەنێت-رۆیتەرز
سەرۆکی ئەنجومەنی پەیوەندیەکانی دەرەوەی ئەمریکا، سەبارەت بە بڕیاری دۆناڵد ترەمپ بۆ کشانەوەی هێزەکانی ئەم وڵاتە لە سوریا دەڵێت، رۆژهەڵاتی ناوەڕاست قۆناغی بە بێ ئەمریکا ئەزموون دەکات.
ریچارد هاس، سەرۆکی ئەنجومەنی پەیوەندیەکانی دەرەوەی ئەمریکا، لە تویتێکدا نووسیویەتی: بە خێر بێت بۆ رۆژهەڵاتی ناوەڕاستی بە بێ ئەمریکا. ئیسرائیل هێرشی کردە سەر سوریا، سعودیە لە شەڕی یەمەن بەردەوامە، تورکیا ئامادەکاری بۆ هێرشکردنە سەر کوردەکانی سوریا دەکات، بەشار ئەسەد لە دەسەڵات ماوەتەوە و داعشیش تێکنەشکاوە، ئێرانیش پەرە بە دەسەڵاتی ناوچەیی خۆی دەدات و روسیاش وەک بە هێزترین هێزی بیانی لە ناوچەکە هەژمار دەکرێت.
