نوچەنێت: تایبەت
بەرپرسی راگەیاندنی لقی ١٤ی پارتی لە موسڵ رایدەگەیەنێت، ئەمڕۆ لە زیندانی موسڵ سەرکردەیەکی دیاری داعش لە زیندان هەڵهات.
شانە نوستووەکانی داعش لە موسڵ و ناچەکانی دیکە، بە هۆی بێ توانایی هێزە عێراقییەکان و حەشدی شەعبییەوە، توانیویانە خۆیان رێکبخەنەوە و ببنە مەترسی و چەندین کردەوەی تیرۆرستی ئەنجام بدەن.
لە لێدوانێکی تایبەت بە نوچەنێت، سەعید مەمۆزینی، بەرپرسی راگەیاندنی لقی ١٤ی پارتی لە موسڵ، لەبارەی هەڵهاتنی سەرکردەیەکی داعش لە زیندانی ئەو موسڵ رایگەیاند: ئەمڕۆ شەممە ١٥-١٢-٢٠١٨، لە زیندانی موسڵ سەرکردەیەکی دیاری داعش لە زیندان هەڵهات و ئەوەش بۆ بەهێزی داعش لەو ناوچەیە دەگەڕێتەوە.
سەعید مەمۆزینی دەشڵێت، ئەو سەرکردەیەی داعش، کە لە زیندان هەڵهاتووە ناوی “ئەمجەد عوبەيد”ـە و زیندانەکەش لە لایەن پۆلیسی فیدراڵەوە ئیدارە دەکرێ.
