نوچەنێت–رۆیتەرز
ئاژانسی هەواڵی رۆیتەرز، لە سەر زاری بەرپرسانی وەزارەتی دەرەوەی تورکیا بڵاوی کردۆتەوە، سوپای ئەم وڵاتە لە ئۆپەراسیۆنە سەربازیەکانیان لە ناو سنوورەکانی عێراقی فیدڕاڵ بەردەوام دەبێت.
وەزارەتی دەرەوەی تورکیا، لەم بارەوە جەختی لە سەر بەرەدوام بوونی ئۆپەراسیۆنە سەربازیەکانی لە سەر خاکی هەرێمی کوردستان کردۆتەوە.
رۆژێک دوای ئەوەی، کە عێراق بە فەرمی ئیدانەی ئەم ئۆپەراسیۆنانەی تورکیای کرد و ناڕەزایی خۆی لەم بارەوە خستەڕوو، وەزارەتی دەرەوەی ئەم وڵاتە دەڵێت، لە هێرشەکانیان بۆ سەر بنکە سەربازیەکانی پەکەکە بەرەدوام دەبن.
پێویست بە ئاماژەیە، لەم پەیوەندیەدا وەزارەتی دەرەوەی عێراق، باڵێۆزئ ئەنقەرەی لە بەغدا بانگهێشتکردووە.
