نوچەنێت–فارس
گوتەبێژی هێزە چەکدارەکانی ئێران، بە ئاماژەدان بە لێدوانی وەزیری دەرەوەی ئەمریکا، لە بارەی تاقیکردنەوەی موشەکی وڵاتەکەی دەڵێت، پەرە بە بەرنامەی موشەکی خۆمان دەدەین و لە تاقیکردنەوە موشەکیەکانیش بەردەوام دەبین.
ئەبولفەزل شکارچی، گوتەبێژی باڵای هێزە چەکدارەکانی ئێران، رۆژی یەکشەممە ٢ی دیسەمبەر رایگەیاند: تاقیکردنەوەی موشەکی و بردنە سەرەوەی ئاستی توانای بەرگری کۆماری ئیسلامی، تەنها بۆ بەرپەرچدانەوەی هەڕەشەی دوژمنانە و لە تاقیکردنەوەی موشەکیش بەردەوام دەبین.
گوتەبێژی هێزە چەکدارەکانی ئێران دەشڵێت “بابەتی تاقیکردنەوەی موشەکی لە دەرەوەی چوارچێوەی دانوستانەکانە و ئەم باتەتە پەیوەندی بە ئاسایشی نەتەوەیی ئێرانەوە هەیە و بە هیچ شێوەیەک ئامادە نین گفتوگۆی لەبارەوە بکەین”.
ئەم بەرپرسە سەربازیەی ئێران هەروەها دەڵێت، وڵاتانی ناوچە دڵنیا دەکەینەوە، کە چاوی تەماحمان لە سەریان نییە.
