نوچەنێت–سپۆتنیک
وەزیری دەرەوەی روسیا دەڵێت مۆسکۆ ئامادەیە سەر لە نوێ دانوستانەکان لە گەڵ ئەمریکا دەستپێبکاتەوە.
سێرگی لاڤرۆڤ، وەزیری دەرەوەی روسیا، ئەمڕۆ یەکشەممە ٢ی دیسەمبەر رایگەیاند: وڵاتەکەی هەموو کات ئامادەیە رەوتی گفتوگۆکانی لە گەڵ واشنتۆن دەستپێبکاتەوە.
لاڤرۆڤ جەختیش دەکاتەوە، هەر کە ئەمریکا بڕیار بدات، مۆسکۆ ئامادەیی تەواوی هەیە بگەڕێتەوە سەر مێزی دانوستان.
سەرۆکانی روسیا و ئەمریکا، بڕیار بوو لە میانی کۆبوونەوەی جی ٢٠ کۆببنەوە، بەڵام ئەم دیدارە بە بڕیاری دۆناڵد ترەمپ هەڵوەشایەوە.
