نوچەنێت-رۆیتەرز
رێکخراوی نەتەوەیەکگرتووەکان داوا لە رژێمی سوریا دەکات، سەبارەت بە پێشێلکاریەکانی مافی مرۆڤ لە لایەن دەسەڵاتدارانی ئەم رژێـمەوە روونکردنەوە بدات.
لیژنەی تاوانە جەنگیەکانی سەر بە نەتەوەیەکگرتووەکان، داوا لە رژێمی بەشار ئەسەد دەکات، کە سەبارەت بە چارەنووسی هەزاران بەندکراوی ئەم وڵاتە روونکردنەوە بدات.
لیژنەی تاوانە جەنگیەکان دەڵێت:رژێمی سوریا دەبێ سەبارەت بە چارەنووسی هەزاران بەندکراوی ئەم وڵاتە کە لە زیندانەکنای سوریا کوژراون،روونکردنەوە بدات.
ئەم لیژنەیە ئاماژەی بە سەدان هەزار کەسی بەندکراو کردووە، کە لە ماوەی ساڵەکانی ٢٠١١ بۆ ٢٠١٤ گیانیان لە دەست داوە.
نەتەوەیەکگرتووەکان جەختیش دەکاتەوە، ناوی قوربانیان لە لایەن خودی رژێمی سوریا ئاشكرا کراوە.
