نوچەنێت–رۆیتەرز
وەزیری دەرەوەی تورکیا، ئەمڕۆ سێشەممە،٢٧ی نۆڤەمبەر، لە لێدوانێکدا رایگەیاند، هیچ هۆکارێک بۆ ئەنجام نەدانی دیدار لە نێوان سەرۆککۆماری ئەم وڵاتە و شازادەی جێنیشنی سعودیە بوونی نییە.
مەولود چاوش ئۆغڵو، وەزیری دەرەوەی تورکیا، ئاشکرای دەکات، کە محەمەد بن سەلمان، جێگری یەکەمی شای سعودیە، داوای دیدار و چاوپێکەوتنی لە گەڵ رەجەب تەیب ئەردۆغان کردووە، ئێستاش هیچ هۆکارێک بوونی نییە تا ئەم دیدارە ئەنجام نەدرێت.
چاوش ئۆغڵو دەشڵێت: بن سەلمان ئەم داوایەی بە رێگەی پەیوەندییەکی تەلەفۆنی خستۆتە بەرباس و ئەردۆغانیش وەڵامی داوەتەوە، کە تاوتوێی ئەم داوایە دەکەن.
