نوچەنێت–ئاژانسەکانی ئیسرائیل
کەناڵی دووەمی تەلەفزیۆنی فەرمی ئیسرائیل رایگەیاند، ئەم وڵاتە بە هاوکاری ئیمارات و پشتیوانی یەکێتی ئەوروپا، رێککەوتنێکی سەبارەت بە هەناردەکردنی گاز بۆ وڵاتانی ئەوروپی واژۆ کردووە.
رۆژنامەی معاریو لەم بارەوە نووسیویەتی: ئیسرائیل، یۆنان، ئیتالیا و قبرس، دوای دوو رۆژ گفتوگۆ و کۆبوونەوەی بەردەوام، رێککەوتنێکیان واژۆ کردووە، کە بەو پێیە رێگە بە دروستکردنی درێژترین و قوڵترین هێڵی بۆری گاز لە سەر ئاستی جیهان دەدرێ.
پرۆژەی راکێشانی ئەم هێڵە، کە ئیسرائیل بە ئەوروپاوە گرێ دەدات بە پشتیوانی یەکێتی ئەوروپا و ئەبوزەبی دەخرێتە بواری جێبەجێکردنەوە.
درێکایی ئەم هێڵە بۆریە ٢٠٠٠ کیلۆمەتر و قوڵاییەکەی ٣.٥ میترە و رێگە بە ئیسرائیل دەدات، کە گازی خۆی هەناردەی وڵاتانی ئەوروپای رۆژهەڵات و باڵکان بکات.
ئەم پرۆژەیە، یەکەم جار لە لایەن وەزیری وزەی ئیسرائیل بە یەکێتی ئەوروپا پێشنیار کرا و ١٠٠ ملیۆن دۆلاری بۆ تەرخان کراوە.
پێشبینی دەکرێ ئەم پرۆژەیە، لە چەند مانگی داهاتوو بخرێتە بواری جێبەجێکردنەوە و لە ماوەی پێنج ساڵدا بگاتە ئەنجام.
