نوچەنێت-رۆیتەرز
بەرپرسێکی باڵای وەزارەتی دارایی ئیماراتی یەکگرتووی عەرەبی، جەخت لە سەر پابەندبوونی وڵاتەکەی بە گەمارۆکانی واشنتۆن بۆ سەر ئێران دەکات.
عبدالله الصالح، جێگری وەزارەتی دارایی و پێشەسازی ئیمارات دەڵێت: بە تەواوی پابەندی ئەو سزا و گەمارۆیانەین، کە لە لایان ئەمریکاوە بۆ سەر ئێران دیاری کراون.
رێژەی دانوستان و بازرگانی نێوان دوو وڵات، لە ساڵی ٢٠١٣ نزیک بە ٢٠ ملیار دۆلار بوو، ئەم رێژەیە لە ساڵی ٢٠١٧ بۆ ١٧ ملیارد دابەزی و چاوەرێی دابەزینی ئەم پەیوەندیانە دەکرێ، دوای ئەوەی، کە ئیمارات ئەم بڕیارەی راگەیاندووە.
