نوچە-رۆیتەرز
ئاژانسی هەواڵی رۆیتەرز لە یاداشتێکدا، ئاماژەی بە جموجوڵی هەزارەکانی ئەفغانستان کردووە و دەڵێت، ئەم گروپانە بۆ بەرەنگاربوونەوەی هێرشەکانی داعش و تاڵیبان چەکیان هەڵگرتووە و ئەم دوو رێکخراوە وەک مەترسییەک بۆ سەر ئاسایشی ئەفغانستان هەژمار دەکەن.
بە گوێرەی ئاژانسی هەواڵی رۆیتەرز، شەڕ و تێکهەڵچوون لە نێوان شیعە هەزارەکان و هێزەکانی تاڵیبان لە ئۆروزگان، مەترسی دەستپێکی شەڕی فیرقەیی بەدواوەیە.
هەزارە شیعەکانی ئەفغانستان، بۆ دابینکردنی ئەمن و ئاسایشی خۆیان پڕچەک دەکەن و پێیانوایە، حکومەتی مەرکەزی توانای پاراستنی ئەوانی نییە.
شەڕی نێوان تاڵیبان و هەزارەکان، دوای ئەوەی دەستی پێکرد کە ئەم گروپانە ئامادە نەبوون باج بدەنە تاڵیبان.
بە هۆی شەڕی نێوان ئەم دوو لایەنە، لانی کەم ٤٣ کەس کوژراون و ٣٠٠ خێزانی شیعەی هەزارەکان لە ماڵ و حاڵی خۆیان دوور کەوتوونەتەوە
