نوچەنێت-ئاژانسەکان
وەزیری دەرەوەی ئەمریکا دەڵێت، واشنتۆن خوازیاری پشتیوانی ئەوروپایە و ئامانج لەم داوایەش بەرەنگاربوونەوەی ئێرانە.
مایک پەمپیۆ، وەزیری دەرەوەی ئەمریکا، جارێکی دیکە بابەتی پشتیوانی ئێران لە حوسییەکانی یەمەن وەبیر دێنێتەوە و جەختیش دەکاتەوە، ئەوەی لە یەمەن روودەدات ئەنجامی شەڕی بەوەکالەتی ئێرانە لە دژی سعودیە.
سەرۆکی دەزگای دیپلۆماسی ئەمریکا دەشڵێت: هەوڵەکانی ئێران لە ناوچەکە کێشە دروستدهكات، داوا لە هاوپەیمانانی ئەوروپی دەکەین بەرەوڕووی ئێران ببنەوە. هەموو جیهان دەبێ بزانێ، کە موشەکەکانی ئێران هەڕەشەن بۆ سەر فڕۆکە بارهەڵگر و نەفەرهەڵگرەکانیش.
بە گوتەی پەمپیۆ، هەر راپۆرتێک سەبارەت بە ئێران بڵاو دەبێتەوە، تیادا جەخت لە سەر ئێران دەکرێتەوە وەک گەورەترین سپۆنسەری تیرۆریزم لە ئاستی جیهاندا.
