نوچە-رۆیتەرز
جێگری سەرۆکی ئەمریکا دەڵێت، دوای ئەوەی کە لایەنەکانی روودای کوشتنی جەمال خاشقچی، رۆژنامەنوسی رەخنگەری سعودیە روون بووەوە، سەرۆکی وڵاتەکەی بڕیاری کۆتایی دەدات.
مایک پێنس، جێگری سەرۆکی ئەمریکا، ئەمڕۆ سێشەممە،٢٣ی ئۆکتۆبەر گوتی، سەرۆکی دەزگای هەواڵگری ئەمریکا بۆ تاوتوێکردنی زیاتری کەیسی خاشقچی سەردانی تورکیای کردووە.
بە گوتەی مایک پێنس، دوای ئەوەی کە ئەنجامی لێکۆڵێنەوەکان راگەیێندرا، دۆناڵد ترەمپی سەرۆکی ئەمریکا بڕیاری کۆتایی لەم بارەوە دەدات.
ئەمڕۆ سێشەممە،رەجەب تەیب ئەردۆغان، سەرۆککۆماری تورکیا داوای لە سعودیە کرد کە کەسانی دەستگیرکراو لە پەیوەندی لە گەڵ دۆسیەی خاشقچی، بۆ دادگایی کردن رادەستی ئەنقەرە بکات.
