نوچەنێت-جیرۆزالیم پۆست
ئاڤیگدۆر لیبرمەن، وەزیری بەرگری ئیسرائیل، لە نوێترین لێدوانی دژ بە ئێڕان، جەخت دەکاتەوە گەمارۆ و سزاکانی واشنتۆن بۆ سەر تاران، دابینکردنی سەرچاوە داراییەکانی تیرۆریزمی لە لایەن ئێرانەوە بەرەورووی گرفت کردۆتەوە.
لیبرمەن دەشڵێت: شەپۆلی دووەمی گەمارۆکانی ئەمریکا، کە ٤ی نۆڤەمبەر دەستپێدەکات، رەنگە نەتوانێ رێگر بێت لە بەردەم ئێران بۆ گەیشتن بە چەکی ئەتۆمی، بەڵام گوشارەکانی سەر ئەم وڵاتەی چەند قات کردووە و ئەمەش یارمەتیدەر دەبێت لە وشک کردنی سەرچاوە داراییەکانی تیرۆریزم لە ناوچەکە.
لیبرمەن ئەم گوتانەی لە ناوەندی لێکۆڵینەوە ستراتیکی ئۆرشەلیم پێشکەش کردووە.
