نوچەنێت-ئاژانسەکان
جۆن سالیڤان، جێگری وەزیری دەرەوەی ئەمریکا، بە سەردانێکی فەرمی گەیشتە بەحرێن.
وەزارەتی دەرەوەی ئەمریکا، پێشتر لە بەیانێکدا باسی لە سەردانی جۆن سۆلیڤان، جێگری وەزیری دەرەوەی ئەم وڵاتەی بۆ بەحرێن کردبوو.
لەم سەردانەی بۆ بەحرێن، سۆلیڤان لە گەڵ گەورە بەرپرسانی ئەم وڵاتە کۆدەبێتەوە.
پرسە هەستیارەکانی ناوچە و پەیوەندیەکانی مەنامە-واشنتۆن و هەروەها پرسی بەرەنگاربوونەوەی تیرۆریزم و پشتیوانی ئێڕان لە گروپە تیرۆریستیەکان، تەوەرە سەرەکیەکانی ئەم دیدارانەن.
سۆلیڤان، هەروەها بڕیارە لە گەڵ کارمەندانی باڵیۆزخانەی ئەمریکا لە مەنامە کۆبێتەوە.
