نوچەنێت: تایبەت
پەرلەمانتاریکی خولی پێشووی عێراق رایدەگەیەنێت، دانانی عادل عەبدولمەهدی، گڵۆپێکی سەوزەی ئەمریکا و ئێرانەوە، بۆ کەسێکی هاوبەش لەنێوان هەردوولایان،
بە هەڵبژاردن و رێککەوتن لەسەر پۆستە بالاکان، لێکدانەوەکان لەبارەی دوو بەرە لە عێڕاق دەکرێت (بەرەی ئەمریکا و ئێران)، شارەزایان پێیانوایە ئەمریکا لە عێراق لاواز نابێ و لە ئێستادا هەوڵی ئارامکردنی دۆخەکە دەدات.
لە لێدوانێکی تایبەت بە نوچەنێت، موحسن عوسمان، ئەندامی خولی پێشووی پەرلەمانی عێراق، لە لیستی یەکێتی، لەبارەی دۆخی عێراق لە نێوان ئەمریکا و ئێران رایگەیاند: لەو بڕوایەدا نیم ئەمریکا لە عێراق لاواز بووبێت؛ هەروەها دانانی عادل عەبدولمەهدی لەلایەن سەرۆککۆمارەوە، ئەوە گڵۆپێکی سەوزە لەلایەن ئەمریکا و ئێرانەوە، بۆ کەسێکی هاوبەش لەنێوان هەردوولایان،
موحسێن عوسمان ئاماژەی بەوەدا، کە ئەمریکا و ئێران لە پشت پەردەوە حوکمی عیراق دەکەن، شکانی حوکم لە عێراق بۆ ئەمریکا و ئێران دەگەڕێتەوە. دەشڵێت “هەژموونی ئەمریکا لە عێراق کەم نابێ، لەو یارییە سیاسییەی لە ناوچەکە هەیە وەک رەوشی سعودیە، تورکیە لە بەرەی سوننە و ئێرانیش لەبەرەی شیعە نالەبارە بۆیە ئەمریکا لەو دۆخە قازانج دەکات.
ئەو پەرلەمانتارەی خولی پێشووی پەرلەمانی عێراق، پێیوایە حکومەتی عێراق لەم خولە باشتر بەڕیوەدەچێ بە چەند هۆکارێک، کە ئەویش لاوازی سوننە و کارتی گوشاری کورد لە بەغدا لە ئێستا دا بەهێز نییە، لە بەرانبەردا شیعە لەهەمووان بەهێزترن. هەروەها لەگەڵ بەرزبوونەوەی نرخی نەوت نەمانی داعش، بارودۆخەکە هەندێک بەرەوە باشتر دەڕوات.
