نوچەنێت-رادیۆ ئەڵمانیا
بە ئاراستەی سیاسەتی کۆچ و کۆچبەرانی دەوڵەتی ئەڵمانیا، ئەم وڵاتە ژمارەیەکی دیکەی لە پەنابەران، کە بە نایاسایی چوونەتە ئەم وڵاتەوە، دیپۆرت کردەوە.
ئەم پەنابەرانە سەر بە وڵاتانی جەزایەر، تونس و مەراکیشن و بە شێوەی نایاسایی چوونەتە ناو خاکی ئەڵمانیا.
بە گوێرەی راگەیێندراوی ئیدارەی کۆچبەرانی ئەڵمانیا، بڕیاری دیپۆرتکردنەوەی ئەم پەنابەرانە دوای ئەوە دێ، کە بە وردی لێکٶلنەوە بۆ کەیسەکانیان کراوە و بە ناچاری گەڕێندراونەتەوە بۆ وڵاتی یەکەم.
ئیدارەی کۆچ و کۆچبەرانی ئەڵمانیا، بە بێ ئەوەی ئاماژە بە ژمارەی پەنابەەر دیپۆرتکراوەکان بکات، رایگەیاندووە: لە ماوەی ٨ مانگی رابردوودا نزیک بە ٤٠٠ پەنابەری نایاسایی لەم وڵاتەوە دیپۆرت کراونەتەوە، بەشێکی زۆری ئەم پەنابەرانە لە وڵاتانی باکوری ئەفریقاوە هاتوونەتە ناو خاکی ئەڵمانیا.
