نوچەنێت-سپۆتنیک
سەرۆکوەزیرانی ئیسرائیل دەڵێت، لە گەڵ سەرۆکی روسیا رێککەوتوون، کە لە داهاتوویەتکی نزیکدا بە ئامانجی بەردەوام بوونی هەماهەنگی و هاوکاریەکانی نێوانیان کۆببنەوە.
بنیامین نەتانیاهۆ، ئەمڕۆ (یەکشەممە ٧ی ئۆکتۆبەر) رایگەیاند: لە میانی پەیوەندییەکی تەلەفۆنی لە گەڵ ڤلادیمیر پوتین، سەرۆکی روسیا، سەبارەت بە ئەنجامدانی دیدار و گفتوگۆی نێوانیان رێککەوتوون و ئەم دیدارەش بە زووترین کات ئەنجام دەدرێت.
سەرۆکوەزیرانی ئیسرائیل جەختیشی لە سەر بەرەنگاربوونەوەی ئێران لە سوریا کردوۆتەوە و هەروەها دەشڵێت “رێگە نادەن ئێڕان لە سوریا چەکی کوشندە رادەستی حزبوڵڵای لوبنان بکات”.
