نوچە-رۆیتەرز
کۆریای باکور هۆشداری دەدات و دەڵێت، تا واشنتۆن گەرەنتی نەدات، پیونگ یانگ ئامادە نییە بابەتی داماڵینی چەکی ئەتۆمی و بەرنامەی پەیوەست بەم بوارە بخاتە بواری جێبەجێکردنەوە.
ری یۆنگ هو، وەزیری دەرەوەی کۆریای باکور لە میانی گوتارێکدا لە نەتەوەیەکگرتووەکان، گوتی، لە هەل و مەرجی ئێستادا کۆریای باکور، ناچێتە ژێر باری داماڵینی چەکی ئەتۆمی.
وەزیری دەرەوەی کۆریای باکور، هۆشداری دەدات و دەشڵێت، تاکو واشنتۆن وڵاتەکەی دڵنیا نەکاتەوە وگەرەنتی نەدات. پیانگ یانگ ئامادە نییە، یەک لایەنە پرسی داماڵی چەکی ئەتۆمی بخاتە بواری جێبەجێکردنەوە.
