نوچە-ئانادۆڵ
رەجەب تەیب ئەردۆغان، سەرۆککۆماری تورکیا،سبەی(٧ی سێبتەمبەر)بە سەردانێکی فەرمی دەگاتە تاران و بەشداری لە کۆبوونەوەی سێ قۆڵی سەرانی تورکیا، ئێران و روسیا دەکات.
ئەردٶغان بڕیارە لە گەڵ ڤلادمیر پوتین، سەرۆکی روسیاش کۆبێتەوە.
لە کۆبوونەوەی سێ قۆڵی کە بڕیارە سبەی لە تارانی پایتەختی ئێران بەڕێوەبچێت. سەرانی سێ وڵات لەبارەی دۆخی سوریا گفتوگۆ دەکەن.
قەیرانی سوریا و دۆخی پارێزگای ئیدلیب، تەوەری سەرەکی ئەم کۆبوونەوەیە دەبێت. دواتر هەر سێ وڵات کۆنفڕانسێکی رۆژنامەوانی هاوبەش ئەنجام دەدەن.
