نوچەنێت: ئاژانسەکان
سەرلەبەیانی ئەمڕۆ، لە ئەنقەرەی پایتەختی تورکیا، تەقە لە باڵیۆزخانەی ئەمریکا دەکڕیت و زیانی ماددی بە باڵەخانەکە گەیشت.
ئەو رووداوە لەکاتێک دایە، کە پەیوەندییەکانی ئەنقەرە و واشنتۆن، بەهۆی دەستگیرکردنی قەشەیەکی ئەمریکی گەیشتووەتە خراپترین ئاست، ئابووریی تورکیا شڵەژاوە و بەهای لیرەی تورکی بەرامبەر دۆلاری ئەمریکی زۆر دابەزیوە و ئەگەری هەیە سزای زیاتر بەسەر تورکیا بسەپێندرێت.
رووداوەکە کاتژمێر ٥ی سەرلەبەیانی ئەمڕۆ (دووشەممە ٢٠-٨-٢٠١٨) لە ئەنقەرە رووی داوە و تێیدا چەکدارێک لەناو ئۆتۆمبێلێکەوە گوللەیەکی بە باڵیۆزخانەکەوە ناوە.
بەهۆی گوللەکەوە، کە تا ئێستا دیار نییە تەقەکەرەکەی سەر بە چ گروپێکە یاخود رووداوێکی تیرۆرستییە یان تاوانکاری، جامێکی پەنجەرەی باڵیۆزخانەی ئەمریکا شکاوە، بەڵام هیچ زیانێکی گیانی لێ نەکەوتووەتەوە.
