نوچەنێت
ئەمڕۆ ئەنجومەنی وەزیرانی هەرێمی کوردستان ئامادەکردنی پڕۆژەیاسای بودجەی ٢٠١٩ و چەند پرسێکی دیکە تاوتوێ دەکات.
بڕیارە ئەمڕۆ سێشەممە ٧-٨-٢٠١٨، ئەنجومەنی وەزیران بە سەرۆکایەتی نێچیرڤان بارزانی، سەرۆکی ئەنجومەنی وەزیرانی هەرێمی کوردستان کۆببێتەوە.
بەگەێرەی زانیارییەکان، لە کۆبوونەوەکەدا، ئەنجومەنی وەزیران تاوتوێی چەند تەوەرێک دەکات، لەوانە:
– پێشنیازی بەرکارکردنی یاسای فیدراڵی ژمارە ٣٢ی ساڵی ٢٠١٥، تایبەت بە سپیکردنەوەی دراو.
– پێشنیازی وەزارەتی ئاوەدانکردنەوە بۆ بەرکارکردنی یاسای کۆمپانیا گشتییەکانی حکومەتی عێراق لە هەرێمی کوردستان.
– ئامادەکارییەکان بۆ ئامادەکردنی پرۆژەیاسای بودجەی ساڵی ٢٠١٩ی هەرێمی کوردستان.
– دوایین پێشهاتەکان سەبارەت بە هەوڵەکانی بە جینۆساید ناساندنی تاوانەکانی رێکخراوی تیرۆرستی داعش، بەرامبەر کوردانی ئێزدی و پێکهاتەکانی دیکەی کوردستان.
