نوچەنێت: تایبەت
بەرپرسی راگەیاندنی لقی 14ی پارتی لە موسڵ رایدەگەیەنێت، خەڵکی موسڵ درێژەیان بە خۆپیشاندان نەدا و ئەگەری زۆرە روو لە هەرێمی کوردستان بکەنەوە.
بەهۆی نەبوونی خزمەتگوزاری و گەندەڵی لە دامودەزگاکانی حکومەتی عێراق خەڵکی زۆربەی پارێزگاکان هاتوونەتە سەرشەقامەکان، داوای گۆڕانکاری دەکەن. خەڵکی موسڵیش هەم وەک پشتیوانی و هەمیش وەک داواکردنی مافی خۆیان هاتنە سەرشەقام.
لە لێدوانێکی تایبەت بە نوچەنێت، سەعید مەمۆزینی، بەرپرسی راگەیاندنی لقی 14ی پارتی لە موسڵ، لەبارەی دۆخی نوێی موسڵ، رایگەیاند: خەڵکی موسڵ یەکجار هاتنە سەرشەقام و خۆپیشاندانیان کرد و دواتر خۆپێشاندان نەکراوەتەوە.
سەعید مەمۆزینی پێیوایە، خەڵکی موسڵ وەک تەقینەوەیەک، ئەگەری زۆر هەر هەمووی روو بکاتەوە هەرێمی کوردستان و چونکە زۆر بێزارن و دەیانەوێت ئەو پارەیەی بەدەستیانەوە هەیە لە هەرێمی کوردستان کەسابەتی پێوە بکەن.
