نوچەنێت-هەواڵنێریی فەرەنسا
واشنتۆن لە پلانیدایە کۆبوونەوەیەکی بەرین بە بەشداری سەرانی وڵاتانی عەرەبی کەنداو بەڕێوەببات.
ئامانج لەم کۆبوونەوەیە، فەراهەم کردنی زەمینەی پێکهاتن و چارەسەرکردنی کێشە و ناکۆکیەکانی نێوان وڵاتانی ئەم ناوچەیە.
بە گوێرەی ئاژانسی هەواڵنێریی فەرەنسا، ئەم کۆبوونەوەیە بە دەستپێشخەری ئەمریکا، بڕیارە مانگی سێبتەمبەر بەڕێوەبچێت.
راین کلیها، دیپلۆماتکاری ئەمریکی جەخت دەکاتەوە، وڵاتەکەی هەوڵەکانی بۆ چارەسەری کێشە و قەیرانی دیپلۆماسی نێوان وڵاتانی عەرەبی کەنداو چڕ دەکاتەوە.
بە گوێرەی زانیاریەکان، سەرانی سەرجەم وڵاتانی عەرەبی کەنداو بەشداری ئەم کۆبوونەوەیە دەبن.
