نوچەنێت-رۆیتەرز
ئاژانسی هەواڵی رۆیتەرز لە سەر زاری بەرپرسێکی باڵای ئیسرائیل بڵاوی کردۆتەوە، کە چەند کاتژمێر دوای دیداری نێوان شاندی باڵای روسیا و سەرۆکوەزیرانی ئیسرائیل، بنیامین نەتەنیاهۆ، پێشنیاری مۆسکۆی لەبارەی كشانەوەی هێزەکانی ئێران لە سوریا بە مەوادی 100 کیلۆمەتر رەتکردۆتەوە.
رۆیتەرز ناوی ئەم بەرپرسەی ئیسرائیل و وردەکاریەکانی ئەم دیدارەی بڵاو نەکردۆتەوە.
بەرپرسانی فەرمی دوو وڵات، لە بارەی ئەنجامی گفتوگۆکانی رۆژی رابردوو هیچ لێدوانێکیان نەداوە، بەڵام میدیاکانی ئیسرائیل رایانگەیاندووە، جێبەجێکردنی رێککەوتنی نێوان ئیسرائیل، روسیا و ئەمریکا، سەبارەت بە ئامادەبوونی هێزەکانی ئێران لە سوریا لە ئەجێندای کۆبوونەوەکەدا بووە.
ژمارەیەک لە میدیاکانی ئیسرائیل هەروەها دەڵێت “بە ئەگەری زۆر رێککەوتن لە سەر دوورخستنەوەی هێزەکانی ئێرانی لە سنوورەکانی ئیسرائیل کراوە”.
