نوچەنێت: ئاژانسەکان
کەشتییەک بە 150 کۆچبەرەوە لە کەناراوەکانی قوبرسی باکوور نقووم بوو، بەهۆیەوە 16 سەرنشین خنکان.
بەگوێرەی میدیاکانی تورکیا، کەشتییەک بە 150 کۆچبەرەوە لە کەناراوەکانی کارپاز، لە قوبرسی باکوور نقووم بوو. بەپێی یەکەم روونکردنەوەکان لەلایەن تیمەکانەوە: تاوەکو ئێستا 101 کۆچبەر رزگارکراون و، تەرمی 16 کۆچبەریش دۆزراونەتەوە.
هەروەها 150 کۆچبەری سووری لە کەشتییەکەدا بوون. ئێستا تیمەکان بەدوای ئەو کۆچبەرانەدا دەگەڕێن کە بێسەروشوێنن.
