نوچەنێت: ئاژانسەکان
ئەمە لە کاتێکدایە، کە دوێنێ دووشەممە 16-7-2018، دۆناڵد ترەمپ، سەرۆکی ئەمریکا دواى کۆبونەوەى لوتکە لەگەڵ پوتین رایگەیاندبوو “هیچ هۆکارێک نییە بۆ تۆمەتبارکردنى روسیا بە دەستوەردان لە هەڵبژاردنى سەرۆکایەتى ئەمریکا، هۆکارى خراپى پەیوەندییەکانى ئەمریکا و روسیاشی خستبووە ئەستۆى ئیدارەکانى پێشووى ئەمریکا.
جۆن مەککین، سیناتۆرى دیارى کۆمارییەکان، کۆبوونەوەى لوتکەى ترەمپ و پوتین، بە هەڵە دەزانێ و دەڵێت، ترەمپ خراپترین رۆڵى گێڕاوە و هەرگیز کەسێکى وا بەزەلیلى نەبینیوە لەبەردەم سەرۆکێکى تاکڕەودا، (مەبەستى پوتین، ـە).
هەروەها لەبەیاننامەیەکدا پۆڵ رایان، سەرۆکى ئەنجومەنى نوێنەرانى ئەمریکا، رەخنەى توندى لە قسەکانى ترەمپ گرت و رایگەیاند “پێویستە ترەمپ بزانێت، کە روسیا هاوپەیمانى ئەمریکا نییە”.
هاوکات جاک شومر، سەرۆکى پارتى دیموکراتەکانى ئەمریکا ئاماژەى بەوەداوە، هەڵسوکەوتەکانى ترەمپ، رکابەرەکانى ئەمریکاى بەهێز کردووە و لەبەرانبەردا بەرگرى ئەمریکا و هاوپەیمانەکانى لاواز کردووە.
