نوچەنێت
بە پێی راگەێندراوێکی سەرۆکایەتی پەرلەمانی کوردستان، واژۆ لە سەر دوو یاساکراوە کە پێشتر دەنگیان لەسەر درابوو.
ئەمڕۆ یەکشەممە ١٥ی تەموزی ٢٠١٨، سەرۆکایەتی پەرلەمانی کوردستان راگەێندراوێکی بڵاوکردەوە، کە تێێدا هاتووە،
بەپێی حوكمەكانی ماددەی یەكەمی یاسای ژمارە ٢ی ساڵی ٢٠١٧ی یاسای دابەشكردنی دەسەڵاتەكانی سەرۆكی هەرێم، سەرۆكایەتی پەرلەمانی كوردستان، بە واژۆی د.جەعفەر ئێمینكی جێگری سەرۆكی پەرلەمان، هەردوو یاسای ژمارە ١٠ی ساڵی ٢٠١٨، یاسای هەڵپەساردنی دامەزراوەی سەرۆكایەتی هەرێم و یاسای ژمارە٧ی ساڵی ٢٠١٨ یاسای كارپێكردن بەیاسای بەرنگاربوونەوەی تیرۆر ژمارە ٣ی ساڵی ٢٠٠٦-ی دەرچواند.
